నాని: ‘బ్లడీ రోమియో’లో జూలియట్‌గా ప్రీతి ముకుందన్?

నేచురల్ స్టార్ నాని ఇటీవల ‘ది ప్యారడైజ్’తో తన కెరీర్‌లో మరో భారీ విజయాన్ని అందుకున్న సంగతి తెలిసిందే. ఈ సినిమా తర్వాత ఎక్కువ గ్యాప్ తీసుకోకుండా తన తదుపరి ప్రాజెక్ట్‌లోకి అడుగుపెట్టేందుకు నాని సిద్ధమవుతున్నట్టు తెలుస్తోంది. యంగ్ అండ్ టాలెంటెడ్ దర్శకుడు సుజీత్‌తో కలిసి ‘బ్లడీ రోమియో’ అనే సరికొత్త యాక్షన్ డ్రామా చేయనున్న సంగతి తెలిసిందే.

తాజా సమాచారం ప్రకారం ఈ సినిమాలో నాని సరసన యువ హీరోయిన్ ప్రీతి ముకుందన్‌ను కథానాయికగా ఎంపిక చేసినట్టు రూమర్స్ వినిపిస్తున్నాయి. ‘కన్నప్ప’, ‘బ్లాస్ట్’ వంటి చిత్రాల్లో కనిపించిన ప్రీతి ముకుందన్ ఇప్పుడు నానికి జోడీగా నటించనున్నట్టు తెలుస్తోంది. అయితే ఆమె ఎంపికపై ఇంకా అధికారిక ప్రకటన రావాల్సి ఉంది. నిహారిక ఎంటర్‌టైన్మెంట్స్ భారీ బడ్జెట్‌తో నిర్మించనున్న ఈ చిత్రం త్వరలోనే సెట్స్‌పైకి వెళ్లే అవకాశం ఉంది.