ఆస్కార్ బరిలోకి ‘రామాయణ’?

బాలీవుడ్ స్టార్ రణ్‌బీర్ కపూర్ ప్రధాన పాత్రలో నటించిన ‘రామాయణ’ సినిమా ఆస్కార్ బరిలో నిలిచేందుకు సిద్ధమవుతున్నట్లు సమాచారం. ఇటీవల విడుదలైన ఈ చిత్రం ప్రేక్షకుల నుంచి ఆదరణ పొందుతోంది. 99వ అకాడమీ అవార్డుల పరిశీలన కోసం చిత్ర నిర్మాతలు ‘రామాయణ’ను పంపించినట్లు వార్తలు వస్తున్నాయి. భారత్ తరఫున అధికారికంగా ఎంపికైన సినిమాగా కాకుండా, అకాడమీ నిబంధనల ప్రకారం స్వతంత్రంగా పోటీకి దరఖాస్తు చేసుకునే విభాగంలో ఈ చిత్రాన్ని పరిశీలనకు పంపించినట్లు తెలుస్తోంది.

అకాడమీ నిర్దేశించిన అర్హతలను పూర్తి చేసిన సినిమాలు అంతర్జాతీయ ఫీచర్ ఫిల్మ్ విభాగం కాకుండా ఇతర విభాగాల్లో కూడా స్వతంత్రంగా తమ పేర్లను పరిశీలనకు పంపించుకోవచ్చు. ఇదిలా ఉండగా, 99వ ఆస్కార్ అవార్డుల అంతర్జాతీయ ఫీచర్ ఫిల్మ్ విభాగంలో భారత్ తరఫున మరాఠీ చిత్రం ‘గోంధల్’ అధికారికంగా ఎంపికైనట్లు సమాచారం. టొరంటో అంతర్జాతీయ చలనచిత్రోత్సవంలో ప్లాట్‌ఫామ్ అవార్డు గెలుచుకున్న ‘అంఘ్’ చిత్రం కూడా ఇదే విభాగంలో పరిశీలనకు అర్హత సాధించింది. నవంబర్ 5న విడుదలైన ‘రామాయణ’ బాక్సాఫీస్ వద్ద మంచి వసూళ్లు సాధిస్తున్నట్లు ట్రేడ్ వర్గాలు చెబుతున్నాయి. ఇప్పటివరకు ప్రపంచవ్యాప్తంగా ఈ సినిమా రూ.663 కోట్ల వసూళ్లు సాధించినట్లు సమాచారం.