‘డ్రాగన్‌’లో షాహిద్‌ కపూర్‌ ఫిక్స్‌..?

జూనియర్‌ ఎన్టీఆర్‌, ప్రశాంత్‌ నీల్‌ కాంబినేషన్‌లో తెరకెక్కుతున్న ‘డ్రాగన్‌’ చిత్రంలో బాలీవుడ్‌ నటుడు షాహిద్‌ కపూర్‌ కీలక పాత్రలో కనిపించనున్నారనే ప్రచారం జరుగుతోంది. తాజాగా షాహిద్‌ కపూర్‌ హైదరాబాద్‌కు వచ్చి లుక్‌ టెస్ట్‌లో పాల్గొన్నారని, ఆయన పాత్రకు సంబంధించిన లుక్‌ను ఖరారు చేసినట్టు సినీ వర్గాల సమాచారం. తదుపరి షెడ్యూల్‌లో ఆయన షూటింగ్‌లో పాల్గొనే అవకాశం ఉందని తాజా నివేదికలు పేర్కొంటున్నాయి. అయితే చిత్రబృందం నుంచి ఇప్పటివరకు అధికారిక ప్రకటన వెలువడలేదు.

జూనియర్‌ ఎన్టీఆర్‌, ప్రశాంత్‌ నీల్‌ రూపొందిస్తున్న ఈ భారీ యాక్షన్‌ చిత్రాన్ని మైత్రీ మూవీ మేకర్స్‌, ఎన్టీఆర్‌ ఆర్ట్స్‌ సంయుక్తంగా నిర్మిస్తున్నాయి. ప్రస్తుతం ఎన్టీఆర్‌ తిరిగి చిత్రీకరణలో పాల్గొనే షెడ్యూల్‌ అక్టోబర్‌లో ప్రారంభమయ్యే అవకాశం ఉందని నివేదికలు చెబుతున్నాయి. ‘డ్రాగన్‌’ను 2027 జూన్‌ 11న ప్రపంచవ్యాప్తంగా విడుదల చేయనున్నట్టు మేకర్స్‌ ఇప్పటికే ప్రకటించారు. షాహిద్‌ కపూర్‌ నిజంగా సినిమాలో భాగమవుతారా, ఆయన పాత్ర ఎలా ఉండబోతుందనే విషయాలపై అధికారిక స్పష్టత రావాల్సి ఉంది.