గుండెపోటుకు కొలెస్ట్రాల్ ఒక్కటే కారణం కాదని వైద్యుల హెచ్చరిక

ఇటీవలి కాలంలో గుండెపోటు కేసులు గణనీయంగా పెరుగుతున్నాయి. ఒకప్పుడు వృద్ధుల్లో మాత్రమే కనిపించే ఈ సమస్యలు ఇప్పుడు యువతలో కూడా కనిపిస్తున్నాయి. అధిక కొలెస్ట్రాల్ గుండెపోటుకు ప్రధాన కారణమని భావించినా, నిపుణుల ప్రకారం అది ఒక్కటే కారణం కాదు. అమెరికన్ హార్ట్ అసోసియేషన్ ప్రకారం, అధిక రక్తపోటు, మధుమేహం, ధూమపానం, ఒత్తిడి, ఊబకాయం, వ్యాయామం లేకపోవడం, అనారోగ్యకర ఆహారం, కుటుంబ చరిత్ర వంటి అంశాలు కూడా గుండెపోటు ప్రమాదాన్ని పెంచుతాయి.

గుండెపోటు అకస్మాత్తుగా వచ్చినట్లుగా అనిపించినా, ముందుగానే శరీరం కొన్ని హెచ్చరికలు ఇస్తుంది. ఛాతి నొప్పి, శ్వాసలో ఇబ్బంది, అలసట, తల తిరగడం, చేతులు లేదా మెడలో నొప్పి, చెమటలు పట్టడం వంటి లక్షణాలను నిర్లక్ష్యం చేయకూడదు. మహిళలు మరియు మధుమేహ రోగుల్లో లక్షణాలు భిన్నంగా ఉండవచ్చు. గుండె ఆరోగ్యాన్ని కాపాడుకోవడానికి సమతుల్య ఆహారం, రోజువారీ వ్యాయామం, ఒత్తిడి నియంత్రణ, మంచి నిద్ర, ఆరోగ్య పరీక్షలు తప్పనిసరి.

గమనిక: ఈ సమాచారం కేవలం అవగాహన కోసం మాత్రమే. ఏవైనా ఆరోగ్య సమస్యలు లేదా సందేహాలు ఉంటే వైద్యులను సంప్రదించి వారి సూచనలు పాటించండి.