ఊపిరితిత్తుల ఆరోగ్యంపై వైద్యుల కీలక సూచనలు...

వరల్డ్‌ లంగ్‌ డే 2026 సందర్భంగా వైద్యులు ఊపిరితిత్తుల ఆరోగ్యంపై కీలక సూచనలు చేస్తున్నారు. ఊపిరితిత్తుల క్యాన్సర్‌ ముప్పు కేవలం పొగతాగడం వల్లే కాకుండా.. ఇతరులు తాగే పొగను పీల్చడం, వంటగదిలో కట్టెలు, బొగ్గు వంటి ఇంధనాల పొగ, వాయు కాలుష్యం, కొన్ని పని ప్రదేశాల్లో ఉండే హానికర పదార్థాలకు ఎక్కువకాలం గురికావడం వంటి కారణాలతోనూ పెరగవచ్చని నిపుణులు చెబుతున్నారు. ‘A Lifetime of Lung Health’ అనే ఈ ఏడాది థీమ్‌.. జీవితాంతం ఊపిరితిత్తుల ఆరోగ్యాన్ని కాపాడుకోవాల్సిన అవసరాన్ని తెలియజేస్తోంది.

పొగతాగడం, ఇతరుల పొగకు గురికావడం తగ్గించడంతో పాటు ఇంట్లో సరైన గాలి ప్రసరణ ఉండేలా చూసుకోవడం, కాలుష్యానికి ఎక్కువగా గురికాకుండా జాగ్రత్తలు తీసుకోవడం, పోషకాహారం తీసుకోవడం, క్రమం తప్పకుండా వ్యాయామం చేయడం ద్వారా మొత్తం ఆరోగ్యాన్ని మెరుగుపరచుకోవచ్చు. అదే సమయంలో తగ్గకుండా కొనసాగే దగ్గు, కారణం తెలియని శ్వాస తీసుకోవడంలో ఇబ్బంది, గురక లేదా శ్వాసలో మార్పులను నిర్లక్ష్యం చేయకూడదని వైద్యులు సూచిస్తున్నారు. ఇలాంటి లక్షణాలు ఉంటే వైద్యులను సంప్రదించి తగిన పరీక్షలు చేయించుకోవాలి.