‘అమీర్ లోగ్’ మ్యూజికల్ ప్రమోషన్స్‌లో జోరు

‘అవ్వల్ నంబర్ ప్రొడక్షన్స్’ బ్యానర్‌పై మాధవి రెడ్డి సోమ నిర్మించిన చిత్రం ‘అమీర్ లోగ్’. రమణా రెడ్డి సోమ దర్శకత్వం వహిస్తున్న ఈ సినిమాలో ఎంసీ హరి, మనోజ్, శశిధర్ ప్రధాన పాత్రల్లో నటిస్తున్నారు. వేధా జలంధర్, రావణ్ నిట్టూరు, విశ్వేందర్ రెడ్డి, సాయోగి కీలక పాత్రల్లో కనిపించనున్నారు. రానా దగ్గుబాటి సంస్థ ‘స్పిరిట్ మీడియా’ ఈ చిత్రాన్ని ఆగస్టు 21న ప్రేక్షకుల ముందుకు తీసుకురానుంది. ప్రమోషన్ కార్యక్రమాల్లో భాగంగా తాజాగా సినిమాలోని ‘కాసుల కళ’ పాటను విడుదల చేశారు.

మిడిల్ క్లాస్ జీవితాల భావోద్వేగాలను ప్రతిబింబించేలా రూపొందిన ఈ పాటకు నిఖ్లేష్ సుంకోజి అర్థవంతమైన సాహిత్యం అందించారు. స్మరణ్ సాయి అందించిన సంగీతం, ఏక్‌నాథ్ గాత్రం పాటకు ప్రత్యేక ఆకర్షణగా నిలిచాయి. హైదరాబాద్ నగరంలోని మరో కోణాన్ని లోకల్ ఫ్లేవర్‌తో చూపించబోతున్న ఈ చిత్రానికి ఎస్వీకే కెమెరా వర్క్, రోహిత్ పెనుమత్స ఎడిటింగ్, స్మరణ్ సాయి సంగీతం ప్రధాన బలాలుగా నిలవనున్నాయి.