అయ్యప్ప భక్తి సాంగ్…‘ఇరుముడి’ ఫస్ట్ సింగిల్ రిలీజ్

మాస్ మహారాజా రవితేజ నటిస్తున్న భావోద్వేగ కుటుంబ కథా చిత్రం ఇరుముడి నుంచి తొలి సింగిల్ “ఇరుముడి కట్టు” విడుదలైంది. శివ నిర్వాణ దర్శకత్వంలో, మైత్రీ మూవీ మేకర్స్ నిర్మాణంలో రూపొందుతున్న ఈ పాట, అయ్యప్ప భక్తులతో ఉన్న ఆధ్యాత్మిక అనుబంధం కారణంగా విడుదలకు ముందే భారీ అంచనాలు సొంతం చేసుకుంది.

జీవీ ప్రకాశ్ కుమార్ సంగీతం అందించిన ఈ భక్తి గీతం భావోద్వేగంగా, ఆధ్యాత్మికంగా ఆకట్టుకుంటోంది. శివ నిర్వాణ, కల్యాణ్ చక్రవర్తి రచించిన ఈ పాటను అనంతు ఆలపించారు. అయ్యప్ప దీక్ష, ఇరుముడి ప్రాధాన్యతను ఈ పాటలో అద్భుతంగా చూపించారు. రవితేజ భక్తి పాత్రలో ఆకట్టుకోగా, ప్రియా భవాని శంకర్, బేబీ నక్షత్ర నటన ప్రత్యేక ఆకర్షణగా నిలిచింది. ఈ చిత్రం ఆగస్టు 21న ప్రపంచవ్యాప్తంగా విడుదల కానుంది.