చివరి నిమిషంలో ‘దీవాన’ వాయిదా.. కొత్త రిలీజ్ డేట్ ఫిక్స్!

యంగ్ హీరో హర్షిత్ రెడ్డి, స్మేహా మణిమేగలై జంటగా నటించిన రొమాంటిక్ డ్రామా ‘దీవాన’ ముందుగా ప్రకటించిన ప్రకారం జూన్ 19న విడుదల కావాల్సి ఉండగా, చివరి నిమిషంలో వాయిదా పడింది. సెన్సార్ ప్రక్రియ పూర్తి కాకపోవడంతో చిత్రబృందం ఈ నిర్ణయం తీసుకున్నట్లు సమాచారం. దీంతో అభిమానులు ఆసక్తిగా ఎదురుచూస్తున్న ఈ సినిమా విడుదల తేదీ ఒక రోజు వెనక్కి వెళ్లింది.

అయితే గత రెండు రోజులుగా నిర్వహించిన ప్రీమియర్ షోలకు మంచి స్పందన లభిస్తోంది. దర్శకుడు శ్రీకాంత్ సంగిశెట్టి తెరకెక్కించిన ఈ చిత్రాన్ని గీతా ఫిలిం డిస్ట్రిబ్యూటర్స్ విడుదల చేస్తోంది. వాసుదేవ్ కొప్పినేని, శ్రీదేవి కార్యంపూడి నిర్మించిన ఈ చిత్రానికి ఈశ్వర్ చంద్ సంగీతం అందించారు. మేకర్స్ ప్రకటించిన ప్రకారం ‘దీవాన’ జూన్ 20న ప్రపంచవ్యాప్తంగా గ్రాండ్‌గా విడుదల కానుండగా, జూన్ 19న ప్రత్యేక పెయిడ్ ప్రీమియర్స్ ప్రదర్శించనున్నారు.