భారతీయ సినిమా గర్వపడే చిత్రం ‘రామాయణం’-డైరెక్టర్ శంకర్

ప్రతిష్ఠాత్మకంగా తెరకెక్కుతున్న ‘రామాయణం’ సినిమాపై ప్రముఖ దర్శకుడు శంకర్ ప్రశంసల వర్షం కురిపించారు. భారతీయ సినిమాలో ఇంత అద్భుతమైన విజువల్స్‌ను ఇప్పటివరకు చూడలేదని ఆయన కొనియాడారు. నిర్మాత నమిత్ మల్హోత్రా, దర్శకుడు నితేశ్ తివారీ భారతీయ సినిమాను అంతర్జాతీయ స్థాయికి తీసుకెళ్లేందుకు చేస్తున్న ప్రయత్నాన్ని ప్రత్యేకంగా అభినందించారు. అద్భుతమైన విజువల్ ఎఫెక్ట్స్, భారీ నిర్మాణ విలువలు, ఆకట్టుకునే విజువల్ ప్రెజెంటేషన్‌తో పాటు ఏఆర్ రెహమాన్, హన్స్ జిమ్మర్ అందించిన సంగీతం, శక్తివంతమైన సౌండ్ డిజైన్ సినిమాకు ప్రధాన ఆకర్షణలని పేర్కొన్నారు.

ఈ సినిమాలో యష్ ప్రతి ఫ్రేమ్‌లోనూ ఆకట్టుకుంటున్నారని, ఆయన పోషించిన విలన్ పాత్ర ఎంతో ప్రత్యేకంగా ఉందని శంకర్ ప్రశంసించారు. రణ్‌బీర్ కపూర్, సాయి పల్లవికి శుభాకాంక్షలు తెలిపారు. ఇంత అద్భుతమైన చిత్రాన్ని రూపొందిస్తూ భారతీయ సినిమాకు గర్వకారణంగా నిలుస్తున్న చిత్ర బృందం మొత్తాన్ని అభినందించారు. శంకర్ చేసిన ఈ వ్యాఖ్యలతో ‘రామాయణం’ సినిమాపై ప్రేక్షకుల్లో అంచనాలు మరింత పెరిగాయి.