‘డోంట్ ట్రబుల్ ది ట్రబుల్‌’ ఘన విజయం సాధించాలి: ఎన్టీఆర్‌

ఎస్‌.ఎస్‌. రాజమౌళి సమర్పణలో ఫహాద్‌ ఫాజిల్‌ ప్రధాన పాత్రలో తెరకెక్కిన ఫాంటసీ ఎంటర్‌టైనర్‌ ‘డోంట్ ట్రబుల్ ది ట్రబుల్‌’ ప్రీ-రిలీజ్‌ వేడుక హైదరాబాద్‌లో ఘనంగా జరిగింది. ఆర్కా మీడియా వర్క్స్‌, షోయింగ్‌ బిజినెస్‌ బ్యానర్లపై శోభు యార్లగడ్డ, ప్రసాద్‌ దేవినేని, ఎస్‌.ఎస్‌. కార్తికేయ నిర్మించిన ఈ చిత్రానికి శశాంక్‌ యేలేటి దర్శకత్వం వహించారు. అక్టోబర్‌ 2న సినిమా విడుదల కానుంది. ముఖ్య అతిథిగా హాజరైన మ్యాన్‌ ఆఫ్‌ మాసెస్‌ ఎన్టీఆర్‌ మాట్లాడుతూ ఫహాద్‌ ఫాజిల్‌ దేశం గర్వించదగ్గ నటుడని, తెలుగులో తొలిసారి ప్రధాన పాత్రలో నటిస్తున్న ఈ సినిమాతో ఆయనకు మంచి విజయం దక్కాలని ఆకాంక్షించారు. అలాగే దర్శకుడు శశాంక్‌ యేలేటి, నిర్మాత ఎస్‌.ఎస్‌. కార్తికేయలకు ఈ చిత్రం గొప్ప విజయాన్ని అందించాలని కోరుకున్నారు.

దర్శకుడు ఎస్‌.ఎస్‌. రాజమౌళి మాట్లాడుతూ ‘డోంట్ ట్రబుల్ ది ట్రబుల్‌’ గొప్ప సినిమా అని, ప్రేక్షకులు అక్టోబర్‌ 2న థియేటర్లలో బాగా ఆస్వాదిస్తారని అన్నారు. ఫహాద్‌ ఫాజిల్‌ నటనను ప్రశంసించిన ఆయన, శశాంక్‌ యేలేటి చెప్పిన కథ తనను ఆకట్టుకుందని తెలిపారు. ఫహాద్‌ ఫాజిల్‌ సినిమా తనకు ప్రత్యేకమైనదని, 90 శాతం చిత్రీకరణను నిజమైన ప్రదేశాల్లోనే నిర్వహించామని హీరో తెలిపారు. నిర్మాత కార్తికేయ, దర్శకుడు శశాంక్‌, సంగీత దర్శకుడు కాలభైరవ, కీరవాణి, రాఘవేంద్రరావు తదితరులు చిత్ర విజయాన్ని ఆకాంక్షించారు. సినిమా కోసం హైదరాబాద్‌లోని 75 వాస్తవ ప్రదేశాల్లో చిత్రీకరణ జరిపినట్లు నిర్మాత కార్తికేయ తెలిపారు.