ఆర్యన్ ఖాన్ రిలేషన్‌పై పెరుగుతున్న చర్చ

బాలీవుడ్ స్టార్ షారుఖ్ ఖాన్ తనయుడు ఆర్యన్ ఖాన్ లండన్ పర్యటన ప్రస్తుతం సోషల్ మీడియాలో చర్చనీయాంశంగా మారింది. లండన్‌లో ఓ యువతితో కలిసి ఆర్యన్ ఖాన్ కనిపించడంతో వీరిద్దరి మధ్య డేటింగ్ జరుగుతోందంటూ వార్తలు వైరల్ అవుతున్నాయి. ప్రముఖ క్యాసినో నుంచి ఇద్దరూ కలిసి బయటకు వస్తున్న సమయంలో కెమెరాలకు చిక్కినట్లు సమాచారం. బ్లాక్ కలర్ స్టైలిష్ దుస్తుల్లో కనిపించిన వీరి ఫొటోలు, వీడియోలు ప్రస్తుతం సోషల్ మీడియాలో విస్తృతంగా వైరల్ అవుతున్నాయి.

ఆర్యన్‌తో కనిపించిన యువతి ప్రముఖ సింగర్ విన్నీ తకూర్ అని ప్రచారం జరుగుతోంది. ఈ ఫొటోలు వైరల్ అయిన తర్వాత విన్నీ తకూర్ కూడా తన లండన్ ట్రిప్‌కు సంబంధించిన ఫొటోలను సోషల్ మీడియాలో షేర్ చేశారు. ఆర్యన్ ఖాన్, విన్నీ తకూర్ ఒకరినొకరు సోషల్ మీడియాలో ఫాలో అవుతుండటం, వీరిద్దరికీ కామన్ ఫ్రెండ్స్ ఉండటంతో డేటింగ్ రూమర్స్ మరింత బలపడుతున్నాయి. అయితే ఈ వార్తలపై ఇప్పటివరకు ఆర్యన్ లేదా విన్నీ అధికారికంగా స్పందించలేదు.