‘ఇట్లు అర్జున’ సెకండ్ సింగిల్‌కు డేట్ ఫిక్స్

దర్శకుడు వెంకీ కుడుముల తన నిర్మాణ సంస్థ ‘వాట్ నెక్ట్స్ ఎంటర్‌టైన్మెంట్స్’ బ్యానర్‌పై నిర్మిస్తున్న తొలి చిత్రం ‘ఇట్లు అర్జున’. అనీశ్ హీరోగా, అనస్వర రాజన్ కథానాయికగా నటిస్తున్న ఈ చిత్రంతో మహేష్ ఉప్పల దర్శకుడిగా పరిచయం అవుతున్నారు. త్వరలో ప్రేక్షకుల ముందుకు రానున్న ఈ సినిమా షూటింగ్ శరవేగంగా జరుగుతోంది. ఇప్పటికే మ్యూజికల్ జర్నీని ప్రారంభించిన చిత్రబృందం, తొలి సింగిల్ ‘హాయ్ రే’ను విడుదల చేసి మంచి స్పందన అందుకుంది.

తాజాగా ‘ఇట్లు అర్జున’ నుంచి రెండో పాట ‘చిన్ని చిన్ని’ విడుదల తేదీని ప్రకటించారు. ఈ పాట ఆగస్టు 17న విడుదల కానుంది. ఈ సందర్భంగా చిత్రబృందం షేర్ చేసిన పోస్టర్‌లో ప్రేమికుల క్యూట్ ఎక్స్‌ప్రెషన్స్ ఆకట్టుకుంటున్నాయి. ‘‘స్వేచ్ఛ అనేది ప్రేమకు అత్యంత మధురమైన వ్యక్తీకరణ’’ అంటూ పాటపై ఆసక్తిని పెంచారు. ఈ చిత్రానికి టాలీవుడ్ ప్రముఖ సంగీత దర్శకుడు తమన్ సంగీతం అందిస్తున్నారు.