సంక్రాంతి బరిలో ‘కాకా’.. ఇక తగ్గేదేలే!

మెగాస్టార్ చిరంజీవి, దర్శకుడు బాబీ కలయికలో తెరకెక్కుతున్న ‘కాకా’పై ప్రేక్షకుల్లో ఆసక్తి నెలకొంది. ‘వాల్తేరు వీరయ్య’ తర్వాత వీరిద్దరూ మరోసారి కలిసి పనిచేస్తుండటంతో సినిమాపై అంచనాలు పెరిగాయి. ప్రస్తుతం చిత్రీకరణ శరవేగంగా సాగుతుండగా.. తాజాగా డబ్బింగ్ పనులు కూడా ప్రారంభమయ్యాయి. దీంతో ‘కాకా’ విడుదల తేదీపై స్పష్టత వచ్చింది. 2027 జనవరి 13న సినిమాను ప్రేక్షకుల ముందుకు తీసుకురానున్నట్లు చిత్రబృందం ప్రకటించింది.

ఇటీవల ‘కాకా’ విడుదల వాయిదా పడుతుందనే ప్రచారం జరిగినప్పటికీ, డబ్బింగ్ పనులు ప్రారంభించడంతో ఆ ఊహాగానాలకు తెరపడింది. యాక్షన్, మాస్ అంశాలతో తెరకెక్కుతున్న ఈ చిత్రంలో అనస్వర రాజన్ కీలక పాత్రలో నటిస్తున్నారు. థమన్ సంగీతం అందిస్తుండగా.. కేవీఎన్ ప్రొడక్షన్స్ భారీ బడ్జెట్‌తో నిర్మిస్తోంది. ఇప్పటికే విడుదలైన టైటిల్ గ్లింప్స్‌కు మంచి స్పందన లభించింది. ‘వాల్తేరు వీరయ్య’ తర్వాత చిరంజీవి, బాబీ కాంబినేషన్‌లో వస్తున్న ఈ చిత్రం సంక్రాంతి బరిలో సందడి చేయనుంది.