కార్తిక్ జయంతి ‘రాయవలస’కు విడుదల తేదీ ఖరారు

కార్తిక్ జయంతి హీరోగా పరిచయమవుతున్న యాక్షన్ ఎంటర్‌టైనర్ ‘రాయవలస’. రాధిక జయంతి దర్శకత్వం వహిస్తున్న ఈ చిత్రాన్ని రేసున్ ప్రొడక్షన్స్‌పై గోపీ కృష్ణ జె నిర్మిస్తున్నారు. ఈ సినిమా నవంబర్ 20న థియేటర్లలో గ్రాండ్‌గా విడుదల కానుంది. ఈ మేరకు చిత్ర బృందం తాజాగా విడుదల తేదీని అధికారికంగా ప్రకటించింది.

ఈ చిత్రంలో కార్తిక్ జయంతి పవర్‌ఫుల్, ఇంటెన్స్ లుక్‌లో కనిపించనున్నారు. తాజాగా విడుదలైన విడుదల తేదీ పోస్టర్‌లో ఆయన త్రిశూలంతో అమ్మవారి విగ్రహం ముందు నిలబడి ఉండటం ఆసక్తిని కలిగిస్తోంది. భావోద్వేగం, యాక్షన్, సంగీతంతో రూపొందుతున్న ఈ చిత్రం పూర్తి వినోదాన్ని అందించనుందని మేకర్స్ చెబుతున్నారు. శ్రీష నులు కథానాయికగా నటిస్తుండగా అన్నపూర్ణమ్మ, అనిత చౌదరి, జయప్రకాశ్, రవి వర్మ, కాశీ విశ్వనాథ్, త్రినాధ్ రావు, సుహాస్, కంచరపాలెం రాజు తదితరులు కీలక పాత్రల్లో కనిపించనున్నారు. అర్జున్ బాలా సంగీతం అందిస్తున్నారు.