‘ఓజీ’ సీక్వెల్‌పై అభిమానుల్లో కొత్త చర్చ!

పవర్ స్టార్ పవన్ కళ్యాణ్ చేసిన ఒక వ్యాఖ్య ప్రస్తుతం సోషల్ మీడియాలో హాట్ టాపిక్‌గా మారింది. దర్శకుడు సుజిత్ తెరకెక్కిస్తున్న భారీ యాక్షన్ డ్రామా ‘ఓజీ’ విడుదలకు ముందే సీక్వెల్‌పై చర్చలు మొదలయ్యాయి. ఇటీవల వరంగల్-హనుమకొండలో అనారోగ్యంతో బాధపడుతున్న అభిమాని నిరంజన్‌ను పరామర్శించిన పవన్ కళ్యాణ్, అతనితో ఆప్యాయంగా మాట్లాడి ధైర్యం చెప్పారు. ఈ సందర్భంగా ‘ఓజీ 2’ వస్తే ప్రత్యేక అతిథిగా పిలుస్తానంటూ చేసిన వ్యాఖ్య అభిమానుల్లో ఆసక్తిని రేకెత్తించింది.

ఇప్పటికే ‘ఓజీ’ సినిమాపై భారీ అంచనాలు నెలకొన్న నేపథ్యంలో పవన్ చేసిన ఈ వ్యాఖ్యలు సీక్వెల్ అవకాశాలపై కొత్త ఊహాగానాలకు తెరలేపాయి. సుజిత్ దర్శకత్వంలో తెరకెక్కుతున్న ఈ గ్యాంగ్‌స్టర్ యాక్షన్ డ్రామా కోసం అభిమానులు ఆసక్తిగా ఎదురుచూస్తున్నారు. పవన్ నోటి నుంచి వచ్చిన ఈ మాటలతో ‘ఓజీ 2’ కూడా ప్లాన్‌లో ఉందా అనే చర్చలు సినీ వర్గాల్లో జోరుగా సాగుతున్నాయి.