‘స్పిరిట్’లో ప్రభాస్ షాడో లుక్ వైరల్

పాన్ ఇండియా స్టార్ ప్రభాస్ నటిస్తున్న ‘స్పిరిట్’ చిత్రం అభిమానులు ఎంతో ఆసక్తిగా ఎదురుచూస్తున్న ప్రాజెక్టుల్లో ఒకటి. సందీప్ రెడ్డి వంగా దర్శకత్వం వహిస్తున్న ఈ హై వోల్టేజ్ యాక్షన్ థ్రిల్లర్‌ను టీ-సిరీస్, భద్రకాళి పిక్చర్స్ సంస్థలు సంయుక్తంగా నిర్మిస్తున్నాయి. ఇందులో త్రిప్తి డిమ్రి కథానాయికగా నటిస్తుండగా, వివేక్ ఒబెరాయ్ ప్రతినాయక పాత్రలో కనిపించనున్నారు.

ప్రస్తుతం ఈ సినిమా చిత్రీకరణ వేగంగా కొనసాగుతోంది. తాజాగా ప్రభాస్‌కు సంబంధించిన షాడో లుక్ సామాజిక మాధ్యమాల్లో వైరల్‌గా మారింది. ఈ చిత్రంలో సందీప్ రెడ్డి వంగా, ప్రభాస్ నీడ రూపంలో కనిపించగా, ప్రభాస్ పొడవాటి జుట్టు, టోపీతో కనిపించారు. త్వరలో ఆయన పూర్తి లుక్‌ను విడుదల చేయనున్నట్లు సినీ వర్గాలు చెబుతున్నాయి. దీంతో ప్రభాస్ అభిమానుల్లో భారీ ఉత్సాహం నెలకొంది.