నానిపై రాఘవ్ జుయల్ ఎమోషనల్ పోస్ట్...

నేచురల్ స్టార్ నాని నటుడిగా మాత్రమే కాకుండా.. వ్యక్తిత్వపరంగానూ ఎంతోమంది ప్రశంసలు అందుకుంటున్నారు. తాజాగా బాలీవుడ్ నటుడు, డ్యాన్సర్ రాఘవ్ జుయల్ నానిపై చేసిన ఎమోషనల్ పోస్ట్ సోషల్ మీడియాలో వైరల్‌గా మారింది. శ్రీకాంత్ ఓదెల దర్శకత్వంలో నాని నటిస్తున్న ‘ది ప్యారడైజ్’ చిత్రంలో రాఘవ్ కీలక ప్రతినాయకుడి పాత్రలో కనిపించనున్నారు. ఈ నేపథ్యంలో నాని తనకు ‘సేఫ్ ప్లేస్’ లాంటి వ్యక్తి అని రాఘవ్ పేర్కొన్నారు. తాను అయోమయంలో ఉన్న సందర్భాల్లో నాని తనకు అండగా నిలిచి, సినిమా, కెరీర్, జీవితం గురించి గంటల తరబడి మాట్లాడేవారని తెలిపారు.

తాను భావోద్వేగానికి గురైనా, గందరగోళంలో ఉన్నా నాని ఎప్పుడూ తనను చిన్నచూపు చూడలేదని రాఘవ్ చెప్పారు. ఎలాంటి సినిమాలు ఎంచుకోవాలి, వ్యక్తిగా ఎలా ఎదగాలి అనే విషయాల్లో నాని తనకు మార్గనిర్దేశం చేశారని ప్రశంసించారు. ఎవరూ గమనించనప్పటికీ నాని చూపించే నిజాయతీ, దయ తనను ఎంతగానో ఆకట్టుకుంటాయని పేర్కొన్నారు. కెరీర్‌కు మార్గనిర్దేశం చేయడంతో పాటు మానసికంగా అండగా నిలిచారని చెబుతూ.. “ఐ లవ్ యూ నాని దాదా” అంటూ రాఘవ్ తన పోస్టును ముగించారు.