మరోసారి సరికొత్త లుక్‌లోకి రామ్ చరణ్..?

మెగా పవర్ స్టార్ రామ్ చరణ్ తన తదుపరి చిత్రం ‘RC17’ కోసం సరికొత్త లుక్‌లో కనిపించేందుకు సిద్ధమవుతున్నట్లు తెలుస్తోంది. దర్శకుడు సుకుమార్ తెరకెక్కిస్తున్న ఈ సినిమాలో పాత్రకు తగ్గట్టుగా రామ్ చరణ్ దాదాపు 15 కిలోల బరువు తగ్గి స్లిమ్‌గా కనిపించనున్నారని సమాచారం. అంతేకాకుండా పాత్రకు అనుగుణంగా పొడవాటి జుట్టును పెంచుకోనున్నట్లు తెలుస్తోంది.

సుకుమార్ ఈ చిత్రాన్ని పాన్‌ ఇండియా స్థాయిలో భారీగా తెరకెక్కించేందుకు స్క్రిప్ట్‌ను సిద్ధం చేస్తున్నారు. ఇప్పటికే కథలోని తొలి భాగం పూర్తయినట్లు సమాచారం. ప్రస్తుతం క్లైమాక్స్‌పై దర్శకుడు ప్రత్యేకంగా దృష్టి సారిస్తున్నారు. చేతి గాయం నుంచి పూర్తిగా కోలుకున్న తర్వాత రామ్ చరణ్ బరువు తగ్గే శిక్షణను ప్రారంభించనున్నట్లు తెలుస్తోంది. దీంతో ఈ సినిమాలో రామ్ చరణ్ కొత్త లుక్, పాత్ర ఎలా ఉండబోతుందనే ఆసక్తి అభిమానుల్లో మరింత పెరుగుతోంది.