గ్రాండ్‌ రిలీజ్ కు సిద్ధమైన ‘రణబాలి’ ట్రైలర్‌

విజయ్‌ దేవరకొండ, దర్శకుడు రాహుల్‌ సాంకృత్యాయన్‌ మరోసారి కలిసి పనిచేస్తున్న చిత్రం ‘రణబాలి’. మైత్రీ మూవీ మేకర్స్‌ నిర్మిస్తున్న ఈ పీరియడ్‌ చిత్రంపై ఇప్పటికే ఆసక్తి నెలకొంది. ఈ సినిమాకు సంబంధించిన థియేట్రికల్‌ ట్రైలర్‌ ఇవాళ సాయంత్రం 6:03 గంటలకు విడుదల కానుంది. దాదాపు నాలుగు నిమిషాల నిడివితో రూపొందిన ఈ ట్రైలర్‌లో సినిమా నేపథ్యం, ప్రపంచం, పాత్రలు, యాక్షన్‌ అంశాలపై విస్తృతంగా చూపించే అవకాశం ఉంది. ఈ చిత్రం అక్టోబర్‌ 16న ప్రేక్షకుల ముందుకు రానుంది.

ఈ సినిమాలో రష్మిక మందన్న కథానాయికగా నటిస్తుండగా, ‘ది మమ్మీ’ చిత్రంతో గుర్తింపు పొందిన ఆర్నాల్డ్‌ వోస్లూ కీలక పాత్రలో కనిపించనున్నారు. అజయ్‌–అతుల్‌ సంగీతం అందిస్తున్నారు. భారీ స్థాయిలో రూపొందుతున్న ఈ చిత్రంపై నెలకొన్న అంచనాలను ట్రైలర్‌ మరింత పెంచుతుందా అనేది ఆసక్తికరంగా మారింది. ట్రైలర్‌ విడుదలతో సినిమాకు సంబంధించిన మరిన్ని వివరాలు ప్రేక్షకులకు తెలిసే అవకాశం ఉంది.