యశ్ రావణుడి పాత్రపై రణ్‌బీర్ ప్రశంసలు

బాలీవుడ్ స్టార్ రణ్‌బీర్ కపూర్ తాను యశ్‌కు పెద్ద అభిమానినని వెల్లడిస్తూ, ‘రామాయణం’ చిత్రంలో రావణుడి పాత్రలో ఆయన నటనపై ప్రశంసలు కురిపించారు. యశ్ తనదైన స్టైల్, ఆరా, నిజాయితీతో ఈ పాత్రకు కొత్త జీవం పోశారని అన్నారు. అలాగే రాముడు, రావణుడు మధ్య వచ్చే కీలక క్లైమాక్స్ సన్నివేశాలు ఇంకా చిత్రీకరించాల్సి ఉందని తెలిపారు, దీంతో సినిమాపై ఆసక్తి మరింత పెరిగింది.

మరోవైపు యశ్ మాట్లాడుతూ, ఈ అద్భుతమైన కథను సహజంగా ప్రేక్షకుల ముందుకు తీసుకురావడమే తమ లక్ష్యమని చెప్పారు. నితేశ్ తివారీ దర్శకత్వంలో తెరకెక్కుతున్న ఈ చిత్రంలో రణ్‌బీర్ కపూర్ రాముడిగా, సాయి పల్లవి సీతగా, యశ్ రావణుడిగా, సన్నీ డియోల్ హనుమంతుడిగా, రవి దూబే లక్ష్మణుడిగా నటిస్తున్నారు. ‘రామాయణం పార్ట్ 1’ ఈ ఏడాది దీపావళికి విడుదల కానుండగా, రెండో భాగం 2027 దీపావళికి రానుంది.