సమంత డెడికేషన్ టాలీవుడ్‌లో హాట్ టాపిక్

ప్రస్తుత కాలంలో సినిమా ఎంత బాగా తీశామన్నదానికంటే, దానిని ఎంత బాగా ప్రమోట్ చేశామన్నదే కీలకంగా మారింది. ఓటీటీ ప్రభావం పెరగడంతో ప్రేక్షకులు థియేటర్లకు రావడంలో కొంత వెనుకంజ వేస్తున్నారు. దీంతో మేకర్స్ భారీ ప్రమోషన్ల ద్వారా ప్రేక్షకులను ఆకర్షించేందుకు ప్రయత్నిస్తున్నారు. సినిమా పూర్తయ్యాక హీరోలు, హీరోయిన్లు కూడా ప్రమోషన్లలో చురుకుగా పాల్గొనడం ఇప్పుడు సాధారణంగా మారింది.

ఈ నేపథ్యంలో సమంత తన రాబోయే చిత్రం ‘మా ఇంటి బంగారం’ ప్రమోషన్లలో అద్భుతమైన రికార్డును సొంతం చేసుకున్నట్లు సమాచారం. నందిని రెడ్డి దర్శకత్వంలో రూపొందిన ఈ సినిమా ఈ నెల 19 న విడుదల కానుంది. విడుదలకు ముందు సమంత ఒకే రోజులో 40 వీడియో ఇంటర్వ్యూలు ఇచ్చినట్లు తెలుస్తోంది. ఈ ఇంటర్వ్యూలు త్వరలో యూట్యూబ్‌లో విడుదల కానున్నాయి. ఇది ఓ ఆల్‌టైమ్ రికార్డ్‌గా భావిస్తున్న సినీ వర్గాలు, సమంత డెడికేషన్‌ను ప్రశంసిస్తున్నాయి.