సింగ’గా గోపీచంద్ మాస్ గర్జన

నటుడు గోపీచంద్ పుట్టినరోజు సందర్భంగా ఆయన కొత్త చిత్రానికి సంబంధించిన టైటిల్ గ్లింప్స్‌ను చిత్ర బృందం విడుదల చేసింది. ఆయన 34వ సినిమా పేరు “సింగ”గా ఖరారు చేయడంతో అభిమానుల్లో భారీ ఉత్సాహం నెలకొంది. ఈ గ్లింప్స్‌లో గోపీచంద్ రా అండ్ రస్టిక్ మాస్ లుక్‌లో కనిపిస్తూ పాత్ర తీవ్రతను స్పష్టంగా చూపించారు.

ఈ చిత్రంతో యాక్షన్ కొరియోగ్రాఫర్ వెంకట్ దర్శకుడిగా పరిచయం అవుతున్నారు. కథానాయికగా అనార్కలి నాజర్ నటిస్తుండగా, సామ్ సీఎస్ సంగీతం అందిస్తున్నారు. విజయ్ చిల్లా, శశి దేవిరెడ్డి నిర్మిస్తున్న ఈ ప్రాజెక్ట్‌పై ఇప్పటికే భారీ అంచనాలు ఉన్నాయి. యాక్షన్‌తో పాటు భావోద్వేగాలకు కూడా ప్రాధాన్యం ఉంటుందని గ్లింప్స్ ద్వారా స్పష్టమవుతోంది.