దిల్జీత్‌ దోసాంజ్‌కు బహిరంగ క్షమాపణలు చెప్పిన అభిజిత్‌ దీప్కే

పంజాబీ గాయకుడు, నటుడు దిల్జీత్‌ దోసాంజ్‌కు అభిజిత్‌ దీప్కే బహిరంగంగా క్షమాపణలు చెప్పారు. గతంలో ‘కాక్రోచ్‌ జనతా పార్టీ’కి మద్దతు ఇవ్వలేదంటూ దిల్జీత్‌ను అభిజిత్‌ విమర్శించారు. ఈ వ్యాఖ్యలు సోషల్‌ మీడియాలో చర్చకు దారితీశాయి. దిల్జీత్‌ అభిమానులు కూడా ఈ విమర్శలపై స్పందించడంతో వివాదం మరింతగా వైరల్‌ అయింది.

ఈ నేపథ్యంలో దిల్జీత్‌ ఈ అంశంపై పరోక్షంగా స్పందించినట్లు తెలుస్తోంది. దీంతో అభిజిత్‌ దీప్కే సోషల్‌ మీడియా వేదికగా స్పందిస్తూ దిల్జీత్‌కు క్షమాపణలు చెబుతూ పోస్ట్‌ చేశారు. ఈ బహిరంగ క్షమాపణ ప్రస్తుతం నెట్టింట చర్చనీయాంశంగా మారింది. ఇద్దరి మధ్య చోటుచేసుకున్న ఈ పరిణామంపై నెటిజన్లు భిన్నంగా స్పందిస్తున్నారు.