రామ్‌చరణ్‌ – సుకుమార్‌ కాంబినేషన్‌పై తబిత ఆసక్తికర పోస్ట్

‘రంగస్థలం’ సినిమాతో ఘన విజయాన్ని అందుకున్న రామ్‌చరణ్‌, దర్శకుడు సుకుమార్‌ మరోసారి కలిసి పనిచేయనున్నారు. ‘ఆర్‌సీ 17’ అనే వర్కింగ్‌ టైటిల్‌తో తెరకెక్కనున్న ఈ చిత్రాన్ని నవంబరు 1న పూజా కార్యక్రమాలతో ప్రారంభించేందుకు చిత్రబృందం సిద్ధమైంది. ఈ నేపథ్యంలో సుకుమార్‌ భార్య తబిత సోషల్‌ మీడియాలో ఆసక్తికరమైన పోస్ట్‌ పెట్టారు. ఈ సినిమా కోసం తాను ఎంతో ఆసక్తిగా ఎదురుచూస్తున్నట్లు చెబుతూ ఓ వీడియోను పంచుకున్నారు.

ఈ ప్రాజెక్ట్‌ తనకు భార్యగా ఎంతో గర్వంగా, ఆనందంగా ఉందని తబిత పేర్కొన్నారు. ఈ సినిమా కోసం సుకుమార్‌ పడుతున్న కష్టం, చేస్తున్న శ్రమను దగ్గరుండి చూస్తున్నానని తెలిపారు. రామ్‌చరణ్‌, సుకుమార్‌ రెండోసారి కలిసి పనిచేయడం మరింత ఆసక్తిని పెంచుతోందని చెప్పారు. మరోసారి వారి కలయికలో మ్యాజిక్‌ ఆవిష్కృతమవుతుందని భారీ అంచనాలతో ఎదురుచూస్తున్నట్లు తన పోస్ట్‌లో రాసుకొచ్చారు.