వరుణ్ తేజ్ 'కొరియన్ కనకరాజు' రిలీజ్ డేట్ ఫిక్స్

మెగా ప్రిన్స్ వరుణ్ తేజ్ కథానాయకుడిగా, మేర్లపాక గాంధీ దర్శకత్వంలో తెరకెక్కుతున్న హారర్ కామెడీ ఎంటర్‌టైనర్ 'కొరియన్ కనకరాజు' ప్రపంచవ్యాప్తంగా ఆగస్టు 7న ప్రేక్షకుల ముందుకు రానుంది. యూవీ క్రియేషన్స్ మరియు ఫస్ట్ ఫ్రేమ్ ఎంటర్‌టైన్‌మెంట్ సంయుక్తంగా నిర్మిస్తున్న ఈ చిత్రం ప్రస్తుతం పోస్ట్ ప్రొడక్షన్ చివరి దశలో ఉంది. ఇప్పటికే విడుదలైన టైటిల్ గ్లింప్స్, 'కంసాహమ్నిదా' పాట ప్రేక్షకులను ఆకట్టుకుని సినిమాపై అంచనాలను మరింత పెంచాయి.

రిలీజ్ డేట్ పోస్టర్‌లో వరుణ్ తేజ్ స్టైలిష్, రగ్గడ్ లుక్‌లో కనిపిస్తూ ఆకట్టుకుంటున్నారు. ఒక చేతిలో రక్తపు మరకలతో ఉన్న కత్తి, మరో చేతిలో గ్రెనేడ్ పట్టుకుని కొరియన్ గ్యాంగ్‌స్టర్ల మధ్య ధైర్యంగా కూర్చున్న ఆయన లుక్ ప్రత్యేక ఆకర్షణగా నిలిచింది. ఈ చిత్రంలో రీతికా నాయక్ కథానాయికగా నటిస్తుండగా, సత్య కీలక పాత్రలో కనిపించనున్నారు. ఎస్. థమన్ సంగీతం అందిస్తున్న ఈ చిత్రానికి మనోజ్ రెడ్డి కటసాని సినిమాటోగ్రఫీ అందిస్తున్నారు. విడుదల వరకు వరుస అప్‌డేట్స్ ఇవ్వనున్నట్లు చిత్రబృందం తెలిపింది.