లెఫ్టినెంట్ కల్నల్ వెంకట్ రెడ్డిగా వెంకటేష్.. ఇంటెన్స్ ఫస్ట్ లుక్ అదుర్స్

విక్టరీ వెంకటేష్, నందమూరి కళ్యాణ్ రామ్, బ్లాక్‌బస్టర్ దర్శకుడు అనిల్ రావిపూడి కాంబినేషన్‌లో తెరకెక్కుతున్న #VenkyAnil5 #NKRAR2 చిత్రం శరవేగంగా షూటింగ్ జరుపుకుంటోంది. షైన్ స్క్రీన్స్ బ్యానర్‌పై సాహు గారపాటి నిర్మిస్తున్న ఈ చిత్రాన్ని సురేష్ ప్రొడక్షన్స్, శ్రీమతి అర్చన, జీ స్టూడియోస్ సమర్పిస్తున్నాయి. కళ్యాణ్ రామ్ పుట్టినరోజు సందర్భంగా విడుదలైన ఫస్ట్ లుక్‌కు మంచి స్పందన రాగా, తాజాగా సినీ పరిశ్రమలో వెంకటేష్ 40 ఏళ్ల ప్రస్థానాన్ని పూర్తి చేసుకున్న సందర్భంగా ఆయన ఫస్ట్ లుక్‌ను మేకర్స్ విడుదల చేశారు.

ఈ పోస్టర్‌లో ఇండియన్ ఆర్మీ క్యామోఫ్లేజ్ యూనిఫామ్, సన్‌గ్లాసెస్, స్కార్ఫ్‌తో వెంకటేష్ పవర్‌ఫుల్‌గా కనిపించారు. రగ్గడ్ SUV పక్కన నిల్చున్న ఆయన లుక్‌లో మంచి ఇంటెన్సిటీ కనిపిస్తోంది. లెఫ్టినెంట్ కల్నల్ వెంకట్ రెడ్డిగా ఆయనను పరిచయం చేశారు. కౌంటర్ టెర్రరిజం, హోస్టేజ్ నెగోషియేషన్‌లో నిపుణుడైన ఆర్మీ అధికారిగా ఆయన పాత్ర ఉండనుంది. ఆర్మీ ఇన్‌సిగ్నియా, క్రాస్‌డ్ స్వోర్డ్స్ ఎంబ్లమ్‌తో కూడిన బ్యాక్‌డ్రాప్ సినిమాకు మిలటరీ టచ్‌ను మరింత పెంచింది. వెంకటేష్, కళ్యాణ్ రామ్ కాంబినేషన్‌తో పాటు వారి మధ్య ఉండే కామెడీ, కెమిస్ట్రీ సినిమాకు ప్రత్యేక ఆకర్షణగా నిలవనున్నాయి. కీర్తి సురేష్, కృతి శెట్టి హీరోయిన్లుగా నటిస్తుండగా, జి.వి. ప్రకాష్ కుమార్ సంగీతం, సమీర్ రెడ్డి సినిమాటోగ్రఫీ, తమ్మిరాజు ఎడిటింగ్ బాధ్యతలు నిర్వహిస్తున్నారు. హ్యూమర్, ఎమోషన్స్, ఫ్యామిలీ డ్రామాతో కూడిన ఈ చిత్రం సంక్రాంతి 2027 కానుకగా ప్రేక్షకుల ముందుకు రానుంది.