విజయ్ దేవరకొండ ‘రణబాలి’కి కొత్త ప్రమోషనల్ ప్లాన్..

టాలీవుడ్ స్టార్ హీరో విజయ్ దేవరకొండ నటిస్తున్న తాజా పీరియాడికల్ యాక్షన్ డ్రామా ‘రణబాలి’ భారీ విడుదలకు సిద్ధమవుతోంది. ఇటీవల ఈ చిత్రం నుంచి విడుదలైన ‘ఎందయ్యా సామి’ పాటకు ప్రేక్షకుల నుంచి మంచి స్పందన లభించింది. ఈ క్రేజ్‌ను మరింత పెంచేందుకు మేకర్స్ సరికొత్త ప్రమోషనల్ ప్లాన్‌తో ముందుకొస్తున్నారు.

ఇందులో భాగంగా నాలుగు ఎపిసోడ్ల ప్రత్యేక డాక్యుమెంటరీ సిరీస్‌ను విడుదల చేయనున్నారు. విజయ్ దేవరకొండ, రష్మిక మందన్న, దర్శకుడు రాహుల్ సాంకృత్యన్ ఇందులో పాల్గొని సినిమాకు సంబంధించిన ఆసక్తికరమైన విషయాలు, కథ, చిత్రీకరణ, తమ అనుభవాలను పంచుకోనున్నారు. ఈ డాక్యుమెంటరీ సిరీస్‌కు సంబంధించిన పూర్తి వివరాలను మేకర్స్ ఇంకా వెల్లడించలేదు. మైత్రీ మూవీ మేకర్స్ భారీ బడ్జెట్‌తో నిర్మిస్తున్న ఈ చిత్రం.. విజయ్, రష్మిక వివాహం తర్వాత కలిసి నటిస్తున్న తొలి సినిమాగా నిలుస్తోంది. దసరా కానుకగా అక్టోబర్ 16న ఈ చిత్రం ప్రపంచవ్యాప్తంగా థియేటర్లలో విడుదల కానుంది.