కాకా స్థానంలో విశ్వంభర?

మెగాస్టార్ చిరంజీవి, దర్శకుడు కొల్లి బాబీ కాంబినేషన్‌లో తెరకెక్కుతున్న యాక్షన్ చిత్రం ‘కాకా’ ప్రస్తుతం శరవేగంగా షూటింగ్ జరుపుకుంటోంది. ఈ సినిమాను వచ్చే ఏడాది సంక్రాంతి కానుకగా విడుదల చేయనున్నట్లు చిత్రబృందం ఇప్పటికే ప్రకటించింది. అయితే తాజాగా ఈ విడుదలపై కొత్త ఊహాగానాలు వినిపిస్తున్నాయి. షూటింగ్, నిర్మాణ పనులు పూర్తయినా ‘కాకా’ సంక్రాంతి బరిలోకి రాకపోవచ్చని, దాని స్థానంలో చిరంజీవి నటించిన లాంగ్ అవైటెడ్ ఫాంటసీ చిత్రం ‘విశ్వంభర’ను విడుదల చేయాలని మేకర్స్ భావిస్తున్నారనే ప్రచారం జరుగుతోంది.

నిజానికి ‘విశ్వంభర’ను దసరా సందర్భంగా అక్టోబర్‌లో విడుదల చేయాలని ముందుగా భావించినప్పటికీ అది సాధ్యపడలేదు. దీంతో ఇప్పుడు ఈ సినిమాను సంక్రాంతికి తీసుకురావాలని పరిశీలిస్తున్నారనే టాక్ మొదలైంది. అయితే ఈ విషయంపై చిత్రబృందం నుంచి ఎలాంటి అధికారిక ప్రకటన రాలేదు. కాబట్టి ప్రస్తుతం దీనిని కేవలం ప్రచారంగానే చూడాలి. త్వరలోనే విడుదల తేదీలపై స్పష్టత వచ్చే అవకాశం ఉంది.