ఏడాది తర్వాత ఓటీటీలోకి ‘మహాబలి 1980స్’.. సైలెంట్‌గా స్ట్రీమింగ్

ప్రతి వారం కొత్త సినిమాలు, వెబ్ సిరీస్‌లు ఓటీటీలోకి వస్తూనే ఉంటాయి. ఈ వారం అవతార్ 3, బ్లాస్ట్, లింగం, దూరదర్శిని, రాజా శివాజీ వంటి చిత్రాలతో పాటు తెలుగు సస్పెన్స్ థ్రిల్లర్ ‘మహాబలి 1980స్’ కూడా ఎలాంటి హడావుడి లేకుండానే ఓటీటీలోకి వచ్చింది. ఈ చిత్రం ప్రస్తుతం అమెజాన్ ప్రైమ్ వీడియోలో రెంటల్ విధానంలో స్ట్రీమింగ్ అవుతోంది.

బొమ్మ సాయికుమార్ దర్శకత్వంలో తెరకెక్కిన ఈ చిత్రంలో ఆర్కే మాస్టర్, లక్కీ, బాబా భాస్కర్ ప్రధాన పాత్రలు పోషించారు. గత ఏడాది మే 10న థియేటర్లలో విడుదలైన ఈ సినిమా తక్కువ ప్రచారం, పరిమిత నిర్మాణ విలువల కారణంగా ప్రేక్షకుల దృష్టిని ఆకర్షించలేకపోయింది. పల్లెటూరి నేపథ్యంలో రూపొందిన ఈ సస్పెన్స్ థ్రిల్లర్ ఇప్పుడు ఓటీటీ ద్వారా మరింత మంది ప్రేక్షకులను చేరుకునే అవకాశం ఉంది.