థియేటర్ల తర్వాత ఓటీటీలో సందడి చేయనున్న సినిమాలు

ఈ ఏడాది పలు హిందీ సినిమాలకు సెన్సార్ బోర్డు ఏ సర్టిఫికెట్ జారీ చేసింది. ‘ధురంధర్: ది రివెంజ్’, ‘కాక్‌టెయిల్ 2’, ‘ఓ’ రోమియో’, ‘బట్వారా 1947’, ‘మిర్జాపూర్: ది మూవీ’, ‘బందర్’ వంటి చిత్రాలు ఈ జాబితాలో ఉన్నాయి. తాజాగా విడుదలకు సిద్ధమవుతున్న కరీనా కపూర్ ఖాన్ ‘దాయ్రా’, కునాల్ ఖేము ‘వైబ్’ సినిమాలకు కూడా పెద్దలకు మాత్రమే అనుమతించే ఏ సర్టిఫికెట్లు లభించాయి.

కరీనా కపూర్ ఖాన్, పృథ్వీరాజ్ సుకుమారన్ నటించిన ‘దాయ్రా’ క్రైమ్ ఇన్వెస్టిగేటివ్ థ్రిల్లర్‌గా తెరకెక్కింది. ‘రాజీ’ చిత్రంతో గుర్తింపు పొందిన మేఘనా గుల్జార్ ఈ సినిమాకు దర్శకత్వం వహించారు. ఈ చిత్రానికి ఏ సర్టిఫికెట్‌తో పాటు 2 గంటల 23 నిమిషాల నిడివికి సెన్సార్ ఆమోదం లభించింది. సినిమా కథాంశం క్రైమ్ థ్రిల్లర్ కావడంతో ఏ సర్టిఫికెట్ రావడం పెద్దగా ఆశ్చర్యం కలిగించలేదు.

అయితే కునాల్ ఖేము దర్శకత్వం వహిస్తూ ప్రధాన పాత్రలో నటించిన ‘వైబ్’కు కూడా ఏ సర్టిఫికెట్ రావడం ఆసక్తికరంగా మారింది. వినోదాత్మక చిత్రంగా తెరకెక్కిన ఈ సినిమాకు 2 గంటల 25 నిమిషాల నిడివికి సెన్సార్ అనుమతి లభించింది. ప్రీతి జీ జింటా, స్పర్శ్ శ్రీవాస్తవ, వంశికా ధీర్, దినేష్ లాల్ యాదవ్ అలియాస్ నిరహువా, యశ్‌పాల్ శర్మ కీలక పాత్రల్లో నటించారు.