మూడోసారి తల్లిదండ్రులు కాబోతున్నారా? అనుష్క శర్మపై మరోసారి ప్రెగ్నెన్సీ రూమర్స్‌!

టీమిండియా స్టార్‌ క్రికెటర్‌ విరాట్‌ కోహ్లి, బాలీవుడ్‌ నటి అనుష్క శర్మ జంటకు ఉన్న క్రేజ్‌ గురించి ప్రత్యేకంగా చెప్పాల్సిన అవసరం లేదు. 2017లో ఇటలీలో వివాహం చేసుకున్న ఈ జంట తమ పిల్లలు వామిక, అకాయ్‌ల వ్యక్తిగత జీవితానికి అధిక ప్రాధాన్యం ఇస్తోంది. పిల్లలు మీడియా, సోషల్‌ మీడియా దృష్టికి దూరంగా సాధారణ బాల్యాన్ని ఆస్వాదించాలనే ఉద్దేశంతో ఈ జంట లండన్‌లో ఎక్కువ సమయం గడుపుతున్నట్లు కథనాలు పేర్కొంటున్నాయి. ఇటీవల విరాట్‌, అనుష్క ముంబైకి వచ్చిన సందర్భంగా అమెరికన్‌ గాయకుడు కృష్ణ దాస్‌ నిర్వహించిన లైవ్‌ కీర్తన కార్యక్రమానికి హాజరైనట్లు సమాచారం. ఈ కార్యక్రమానికి సంబంధించిన వీడియోలు సోషల్‌ మీడియాలో వైరల్‌ కాగా, ఈ జంట గేట్‌వే ఆఫ్‌ ఇండియాను కూడా సందర్శించినట్లు కథనాలు వెలువడ్డాయి.

ఈ కార్యక్రమానికి అనుష్క చుడీదార్‌ ధరించి రావడంతో ఆమె మూడోసారి గర్భం దాల్చిందంటూ సోషల్‌ మీడియాలో ఊహాగానాలు మొదలయ్యాయి. ఆమె రూపాన్ని చూసి కొందరు అభిమానులు ప్రెగ్నెన్సీపై కామెంట్లు చేయగా, మరికొందరు దుస్తుల కారణంగా అలా కనిపించి ఉండవచ్చని అభిప్రాయపడ్డారు. అయితే, అనుష్క శర్మ లేదా విరాట్‌ కోహ్లి ఈ వార్తలను అధికారికంగా ధ్రువీకరించలేదు. ఈ దంపతులకు ఇప్పటికే 2021లో కుమార్తె వామిక, 2024లో కుమారుడు అకాయ్‌ జన్మించారు. అధికారిక ప్రకటన వచ్చే వరకు మూడోసారి తల్లిదండ్రులు కాబోతున్నారనే వార్తలను ధ్రువీకరించని ఊహాగానాలుగానే పరిగణించాలి.