ఓటీటీలోకి పృథ్వీరాజ్‌ యాక్షన్‌ థ్రిల్లర్‌!

మలయాళ స్టార్‌ హీరో పృథ్వీరాజ్‌ సుకుమారన్‌, నటి పార్వతి తిరువోతు ప్రధాన పాత్రల్లో నటించిన యాక్షన్‌ థ్రిల్లర్‌ ‘ఐ నోబడీ’. నిస్సామ్‌ బషీర్‌ దర్శకత్వంలో తెరకెక్కిన ఈ చిత్రాన్ని సోషల్‌ థ్రిల్లర్‌ అంశాలతో రూపొందించారు. పృథ్వీరాజ్‌, పార్వతి తొలిసారి కలిసి నటించిన ఈ సినిమాపై విడుదలకు ముందే మంచి అంచనాలు ఏర్పడ్డాయి. జూలై 10న థియేటర్లలో ప్రేక్షకుల ముందుకు వచ్చిన ఈ చిత్రం కంటెంట్‌ పరంగా ప్రశంసలు అందుకున్నప్పటికీ, బాక్సాఫీస్‌ వద్ద ఆశించిన స్థాయిలో వసూళ్లు సాధించలేకపోయింది.

థియేట్రికల్‌ రన్‌ ముగిసిన అనంతరం ‘ఐ నోబడీ’ ఓటీటీ స్ట్రీమింగ్‌కు సిద్ధమైంది. ఈ సినిమా డిజిటల్‌ హక్కులను డిస్నీ+ హాట్‌స్టార్‌ సొంతం చేసుకున్నట్లు సమాచారం. ఆగస్టు 25 నుంచి ఓటీటీలో స్ట్రీమింగ్‌ కానున్నట్లు సంస్థ అధికారికంగా ప్రకటించింది. థియేటర్లలో మిస్‌ అయిన ప్రేక్షకులు ఇప్పుడు ఓటీటీలో ఈ సోషల్‌ థ్రిల్లర్‌ను చూసేందుకు ఆసక్తిగా ఎదురుచూస్తున్నారు. పృథ్వీరాజ్‌, పార్వతి నటనతో పాటు కథాంశం ఓటీటీ ప్రేక్షకులను ఏ మేరకు ఆకట్టుకుంటుందో చూడాలి.