సైఫాబాద్ పీఎస్‌ ఘటనపై హైకోర్టులో బీఆర్‌ఎస్ రిట్ పిటిషన్

సైఫాబాద్ పోలీస్ స్టేషన్‌లో కేటీఆర్ పీఏ మహేందర్ రెడ్డి, పీఆర్వో మహేష్‌పై జరిగినట్లు ఆరోపిస్తున్న ఘటనపై బీఆర్‌ఎస్ హైకోర్టును ఆశ్రయించింది. విచారణ సమయంలో కొందరు వ్యక్తులు పోలీస్ స్టేషన్‌లోకి ప్రవేశించి తమను బెదిరించారని పిటిషనర్లు కోర్టుకు తెలిపారు. ఈ ఘటనపై సమగ్ర విచారణ జరిపి, బాధ్యులపై కేసు నమోదు చేసి చర్యలు తీసుకునేలా పోలీసులను ఆదేశించాలని కోరారు.

మహేందర్ రెడ్డి, మహేష్‌లను సెప్టెంబర్ 7న అసెంబ్లీ వద్ద జరిగిన ఘటనకు సంబంధించిన కేసులో విచారణకు సైఫాబాద్ పోలీసులు పిలిచారు. ఈ సమయంలోనే పోలీస్ స్టేషన్‌లోకి కొందరు వ్యక్తులు ప్రవేశించినట్లు బీఆర్‌ఎస్ ఆరోపించింది. అయితే, ఈ ఘటనపై పోలీసుల వాదన భిన్నంగా ఉంది. ఎలాంటి దాడి జరగలేదని, కొందరు స్థానికులు పోలీస్ స్టేషన్‌కు వచ్చి వాగ్వాదానికి దిగడంతో వారిని బయటకు పంపించినట్లు పోలీసులు తెలిపారు.