పోరాటం చేసిన వారిపైనే ఎక్కువ కేసులు - నారా లోకేశ్

మంత్రి నారా లోకేశ్ తనపై గతంలో 23 కేసులు ఉన్నాయని భావించేవాడినని తెలిపారు. అయితే జేసీ ప్రభాకర్ రెడ్డి తనపై 96 కేసులు ఉన్నాయని చెప్పినప్పుడు ఆశ్చర్యపోయానన్నారు. అనంతరం కేంద్ర మంత్రి బండి సంజయ్ తనపై 107 కేసులు ఉన్నాయని చెప్పిన సందర్భాన్ని గుర్తు చేస్తూ, ప్రజల కోసం పోరాడిన నాయకులపై ఎన్నో కేసులు నమోదయ్యాయని లోకేశ్ వ్యాఖ్యానించారు.

అలాగే టీడీపీ ప్రతిష్టాత్మకంగా చేపడుతున్న ఇంటింటికి ప్రచార కార్యక్రమాన్ని జూలై 10 నుంచి ప్రారంభిస్తున్నట్లు ఆయన ప్రకటించారు. రాష్ట్రంలో సార్ ప్రక్రియ కొనసాగుతున్నందున నాయకులు, కార్యకర్తలు ఇబ్బందులు పడకుండా ఈ నిర్ణయం తీసుకున్నామని తెలిపారు. ఎన్నికల్లో ప్రతి ఓటు కీలకమని, నాయకులు అప్రమత్తంగా ఉండి బాధ్యతాయుతంగా వ్యవహరించాలని లోకేశ్ సూచించారు.