తెలంగాణ సీఎస్‌గా బాధ్యతలు చేపట్టిన సంజయ్ జాజు

తెలంగాణ రాష్ట్ర ప్రభుత్వ నూతన ప్రధాన కార్యదర్శిగా సంజయ్ జాజు, ఐఏఎస్ బాధ్యతలు స్వీకరించారు. హైదరాబాద్‌లోని డా. బి.ఆర్. అంబేద్కర్ తెలంగాణ రాష్ట్ర సచివాలయంలో మంగళవారం జరిగిన కార్యక్రమంలో ఆయన పదవిని చేపట్టారు. 1992 బ్యాచ్‌కు చెందిన ఈ సీనియర్ ఐఏఎస్ అధికారిని ప్రభుత్వం జూన్ 26న సీఎస్‌గా నియమిస్తూ ఉత్తర్వులు జారీ చేసింది.

ఇప్పటి వరకు సీఎస్‌గా పనిచేసిన కే. రామకృష్ణా రావు పదవీ విరమణ చేయడంతో ఆయన స్థానంలో సంజయ్ జాజు బాధ్యతలు చేపట్టారు. ఈ సందర్భంగా సచివాలయంలో ఉన్న ఉన్నతాధికారులు, విభాగాధిపతులు, సిబ్బంది కొత్త సీఎస్‌ను అభినందించగా, పదవీ విరమణ చేసిన రామకృష్ణా రావును సత్కరించారు.