బిగ్‌బాస్ తెలుగు 10 డే 11: హౌస్‌లో చరణ్ గ్రాండ్ రీఎంట్రీ...రోహిత్‌తో స్నేహానికి త్రిగుణ్ ప్రయత్నం.

బిగ్‌బాస్ తెలుగు 10లో 11వ రోజు ఎపిసోడ్‌ ఫుల్ జోష్‌తో ప్రారంభమైంది. రోహిత్‌తో విభేదాలను పక్కనపెట్టి త్రిగుణ్ సంధికి ప్రయత్నించాడు. రోహిత్‌ను స్ట్రాంగ్ ప్లేయర్‌గా అభివర్ణించిన త్రిగుణ్ తామిద్దరం కలిసి ఆడితే ఇతరులను ఎదుర్కోవడం సులభమవుతుందని చెప్పాడు. ఈ వారం ఒకరిపై ఒకరు వ్యక్తిగత వ్యాఖ్యలు చేయకుండా కలిసి ముందుకు వెళ్లాలని ప్రతిపాదించాడు. అనంతరం కెప్టెన్సీ రేసులో భాగంగా రాం ప్రసాద్, దేబ్జానీ, త్రిగుణ్ పోటీ పడగా.. త్రిగుణ్ ముందుగా టాస్క్ పూర్తి చేసి విజయం సాధించాడు.

ఇదిలా ఉండగా, హౌస్‌లో వంశీ ప్రవర్తనపై రోహిత్, షాలిని, సృష్టి చర్చించుకున్నారు. వంశీ గతంతో పోలిస్తే చాలా మారిపోయినట్లు కనిపిస్తున్నాడని షాలిని వ్యాఖ్యానించింది. మరోవైపు, వంశీ చేసిన వ్యాఖ్యలతో వర్షిణి బాధపడి కన్నీళ్లు పెట్టుకుంది. వంట కోసం నూనె వినియోగంపై జరిగిన చర్చలో వంశీ మాట్లాడిన తీరు తనను బాధించిందని ఆమె చెప్పింది. దీంతో హౌస్‌లో కొంతసేపు భావోద్వేగ వాతావరణం నెలకొంది.

ఎపిసోడ్‌లో మరో కీలక ట్విస్ట్‌గా చరణ్ రీఎంట్రీ ఇచ్చాడు. రాక్షసుల గెటప్‌లో వచ్చిన వ్యక్తి ముసుగు తొలగించగానే చరణ్ కనిపించడంతో హౌస్‌మేట్స్ ఆశ్చర్యపోయారు. తొలివారంలో ఎలిమినేట్ అయిన చరణ్‌కు ప్రేక్షకుల ఓట్ల ద్వారా మళ్లీ బిగ్‌బాస్ హౌస్‌లోకి అడుగుపెట్టే అవకాశం లభించింది. ఇది తనకు రెండో అవకాశం అని, ఇకపై కొత్త చరణ్‌ను చూస్తారని అతను చెప్పాడు. బయట నుంచి గేమ్‌ను చూసి వచ్చినందున హౌస్‌లో ఎవరి వద్ద ఎలాంటి బలం ఉందో వెల్లడించొద్దని బిగ్‌బాస్ అతడిని హెచ్చరించారు.

ఇక త్రిగుణ్‌కు బిగ్‌బాస్ ప్రత్యేక పవర్ ఇచ్చారు. హౌస్‌లో ఉన్న వారిలో ఒకరిని కెప్టెన్సీ రేసు నుంచి తప్పించే అవకాశం లేదా ఇప్పటికే కెప్టెన్సీ కంటెండర్‌గా నిలిచిన వారిలో ఒకరితో ఛాలెంజ్ చేసి కంటెండర్‌గా నిలిచే అవకాశం ఇచ్చారు. చరణ్ రెండో ఆప్షన్‌ను ఎంచుకుని త్రిగుణ్‌తో ఛాలెంజ్‌కు సిద్ధమయ్యాడు. త్రిగుణ్‌ను కెప్టెన్సీ రేసు నుంచి తప్పించడమే తన లక్ష్యమని చెప్పాడు. అయితే బిగ్‌బాస్ సూచించిన నిబంధనలను చరణ్ పూర్తిగా పాటించకపోవడంతో త్రిగుణ్‌ను విజేతగా ప్రకటించారు. దీంతో త్రిగుణ్ తన కెప్టెన్సీ కంటెండర్ స్థానాన్ని నిలబెట్టుకున్నాడు.