బిగ్ బాస్ తెలుగు 10: టాస్క్‌లతో పెరిగిన హీట్

బిగ్ బాస్ తెలుగు షోపై ప్రేక్షకుల్లో ఆసక్తి మరింత పెరిగింది. హౌస్‌లోకి వచ్చిన కంటెస్టెంట్లు ఎలా ఆడుతున్నారు, నామినేషన్స్‌లో ఎవరు ఉన్నారు, ఓటింగ్ ఎవరికి అనుకూలంగా ఉంది, అగ్నిపరీక్ష కంటెస్టెంట్లు ఎలా పెర్ఫార్మ్ చేస్తున్నారు అనే విషయాలపై చర్చ జోరుగా సాగుతోంది. రెండో రోజు ఆటలో భాగంగా రెడ్, బ్లూ టీంలకు ‘ప్రొటెక్టివ్ బాల్’ టాస్క్ ఇచ్చారు. పబ్‌జీ తరహాలో సాగే ఈ టాస్క్‌లో ఒక టీం దాడి చేస్తుండగా, మరో టీం వివిధ ప్రాంతాల్లో తమను తాము రక్షించుకోవాలి. రెండో రౌండ్‌లో ఇరు జట్ల పాత్రలు మారనున్నాయి. ప్రోమోలో రోహిత్ తొలి రౌండ్‌లో ఔట్ అయినట్లు చూపించారు.

ఇదే సమయంలో ఫిజికల్ టాస్క్‌లో షాలిని స్పందన కూడా చర్చకు దారితీసింది. తనను గన్ తాకిందంటూ, మరో కంటెస్టెంట్ హెల్మెట్ ఊడిందా అని ఆమె ప్రశ్నిస్తున్న దృశ్యాలు ప్రోమోలో కనిపించాయి. దీంతో కొంతమంది నెటిజన్లు ఆమెపై విమర్శలు చేస్తున్నారు. ఫిజికల్ టాస్క్‌లో భాగంగా జరిగిన విషయాలను స్పోర్టివ్‌గా తీసుకోవాలని, ప్రతి అంశాన్నీ డ్రామాగా మార్చకూడదని కామెంట్లు చేస్తున్నారు. మరోవైపు ప్రోమో కింద ‘గుప్పెడంత మనసు’ సీరియల్ హీరో ముఖేష్ గౌడ పేరే ఎక్కువగా వినిపిస్తోంది. దీనిని బట్టి ఆయనకు ఉన్న ఫ్యాన్ ఫాలోయింగ్ ఏ స్థాయిలో ఉందో అర్థమవుతోందని అభిమానులు భావిస్తున్నారు.