ఉప్పల్‌ బాలుకు హీరో నవదీప్ కౌంటర్

బిగ్‌బాస్‌ 10కు సంబంధించిన చర్చలో నటుడు నవదీప్‌ చేసిన వ్యాఖ్యలు ఆసక్తికరంగా మారాయి. ఉప్పల్‌ బాలు తనపై చేసిన వ్యాఖ్యలను ప్రస్తావిస్తూ, తాను చెప్పిన మాటలను నవదీప్‌ సమర్థించుకున్నారు. ‘అగ్నిపరీక్ష’ కాన్సెప్ట్‌లో భాగంగానే వ్యక్తులను ట్రిగర్‌ చేసే విధంగా ప్రశ్నలు అడుగుతామని ఆయన తెలిపారు. చర్చ సందర్భంగా కావాలనే అలాంటి ప్రశ్నలు అడుగుతామని, ఎవరో ఏదో అన్నారని బాధపడటం సరికాదని వ్యాఖ్యానించారు.

బిగ్‌బాస్‌ హౌస్‌లోకి వెళ్లిన తర్వాత కూడా ప్రతి ఒక్కరూ తమ అభిప్రాయాలను స్వేచ్ఛగా వ్యక్తం చేస్తారని నవదీప్‌ అన్నారు. ‘‘ఎవడికి నచ్చింది, వాడు అంటాడు’’ అంటూ తనదైన శైలిలో స్పందించారు. నవదీప్‌ వ్యాఖ్యలు ప్రస్తుతం బిగ్‌బాస్‌ అభిమానుల్లో చర్చకు దారితీశాయి.