భారత్-ఇంగ్లాండ్ టీ20 సిరీస్ టైమింగ్స్‌లో కీలక మార్పులు

భారత్-ఇంగ్లాండ్ జట్ల మధ్య జరగనున్న ఐదు మ్యాచ్‌ల టీ20 అంతర్జాతీయ సిరీస్‌కు సంబంధించిన కీలక నిర్ణయాన్ని ఇంగ్లాండ్ అండ్ వేల్స్ క్రికెట్ బోర్డు (ECB) ప్రకటించింది. భారత అభిమానుల సౌకర్యాన్ని దృష్టిలో ఉంచుకుని మ్యాచ్‌ల ప్రారంభ సమయాన్ని ఒక గంట ముందుకు జరపాలని నిర్ణయించింది. దీంతో భారత ఉపఖండంలో టెలివిజన్ మరియు డిజిటల్ వీక్షకుల సంఖ్య మరింత పెరిగే అవకాశం ఉంది.

మొదట ఈ మ్యాచ్‌లు భారత కాలమానం ప్రకారం రాత్రి 11 గంటలకు ప్రారంభం కావాల్సి ఉండగా, ఇప్పుడు రాత్రి 10 గంటలకే ప్రారంభమవుతాయి. బ్రాడ్‌కాస్టర్లైన స్కై స్పోర్ట్స్, సోనీ స్పోర్ట్స్ నెట్‌వర్క్‌లతో సంప్రదింపులు జరిపిన అనంతరం ఈ నిర్ణయం తీసుకున్నట్లు సమాచారం. ఈ మార్పు అభిమానులకు మ్యాచ్‌లను మరింత సౌకర్యవంతంగా వీక్షించే అవకాశాన్ని కల్పించడమే కాకుండా, బ్రాడ్‌కాస్టర్లకు కూడా అధిక వీక్షకాదరణను తీసుకురానుంది.