ఇరానీ కప్‌ సొంతం చేసుకున్న రెస్ట్‌ ఆఫ్‌ ఇండియా

పేసర్‌ ముకేశ్‌ కుమార్‌ 6/33తో నిప్పులు చెరగడంతో రెస్ట్‌ ఆఫ్‌ ఇండియా ఇరానీ కప్‌ను సొంతం చేసుకుంది. 279 పరుగుల లక్ష్య ఛేదనలో భాగంగా నాలుగో రోజు ఆటలో రెండో ఇన్నింగ్స్‌ ప్రారంభించిన జమ్మూ కశ్మీర్‌ 111 పరుగులకే కుప్పకూలింది. దీంతో రెస్ట్‌ ఆఫ్‌ ఇండియా 167 పరుగుల తేడాతో మరో రోజు ఆట మిగిలుండగానే ఘన విజయం సాధించింది. జమ్మూ కశ్మీర్‌ బ్యాటర్లలో శుభం 36, కమ్రన్‌ ఇక్బాల్‌ 32 పరుగులతో టాప్‌ స్కోరర్లుగా నిలిచారు. ఆకాశ్‌ దీప్‌ 3/25తో రాణించాడు.

అంతకుముందు ఓవర్‌నైట్‌ స్కోరు 306/8తో రెండో ఇన్నింగ్స్‌ను కొనసాగించిన రెస్ట్‌ ఆఫ్‌ ఇండియా 319 పరుగులకు ఆలౌటైంది. నాటౌట్‌గా కొనసాగిన రవిచంద్రన్‌ స్మరణ్‌ తన స్కోరుకు మరో తొమ్మిది పరుగులు జోడించాడు. జమ్మూ కశ్మీర్‌ బౌలర్లలో సునీల్‌, సాహిల్‌ చెరో మూడు వికెట్లు పడగొట్టారు. తొలి ఇన్నింగ్స్‌లో రెస్ట్‌ ఆఫ్‌ ఇండియా 237 పరుగులు చేయగా, జమ్మూ కశ్మీర్‌ 278 పరుగులకు ఆలౌటైంది.