ప్రపంచకప్‌పై కోసం రోహిత్‌ శర్మ ఫోకస్

భారత స్టార్ బ్యాటర్ రోహిత్‌ శర్మ 2027 వన్డే ప్రపంచకప్‌పై తన లక్ష్యాన్ని స్పష్టం చేశాడు. వన్డే క్రికెట్‌లో తాను ఇంకా చేయాల్సిన పని మిగిలి ఉందని రోహిత్‌ తెలిపాడు. వెస్టిండీస్‌తో వన్డే సిరీస్‌కు ముందు మాట్లాడిన ఆయన.. క్రికెట్ ఆడుతున్నంత కాలం సాధించేందుకు ఏదో ఒక లక్ష్యం ఉంటుందని చెప్పాడు. ప్రస్తుతం తన దృష్టి ప్రపంచకప్‌పైనే ఉందని పేర్కొన్నాడు.

రోహిత్‌ శర్మ ఇప్పటికే రెండు టీ20 ప్రపంచకప్‌ విజయాల్లో భారత జట్టులో భాగంగా ఉన్నాడు. 2007లో టీ20 ప్రపంచకప్‌ గెలిచిన జట్టులో సభ్యుడిగా ఉండగా.. 2024లో భారత్‌కు టీ20 ప్రపంచకప్‌ అందించిన కెప్టెన్‌గా నిలిచాడు. అయితే 2023 వన్డే ప్రపంచకప్‌ ఫైనల్లో ఆస్ట్రేలియా చేతిలో భారత్‌ ఓడిపోవడంతో వన్డే ప్రపంచకప్‌ విజయం మాత్రం అతడికి దక్కలేదు. 2027 వన్డే ప్రపంచకప్‌ను దక్షిణాఫ్రికా, జింబాబ్వే, నమీబియా సంయుక్తంగా అక్టోబర్‌, నవంబర్‌ నెలల్లో నిర్వహించనున్నాయి.