కొరియా మాస్టర్స్‌లో తన్వీ శర్మ శుభారంభం

తైపీ ఓపెన్‌ టైటిల్‌ గెలిచి మంచి ఫామ్‌లో ఉన్న భారత యువ షట్లర్‌ తన్వీ శర్మ కొరియా మాస్టర్స్‌ సూపర్‌ 300 బ్యాడ్మింటన్‌ టోర్నమెంట్‌లో విజయంతో ఆరంభించింది. బుధవారం జరిగిన మహిళల సింగిల్స్‌ తొలి రౌండ్‌లో మూడో సీడ్‌ తన్వీ 21-16, 21-15 తేడాతో చైనాకు చెందిన యువాన్‌ అన్‌ కిని ఓడించి రెండో రౌండ్‌కు చేరుకుంది.

మరోవైపు భారత వెటరన్‌ స్టార్‌ కిడాంబి శ్రీకాంత్‌కు ఈ టోర్నీలో నిరాశ ఎదురైంది. తొలి రౌండ్‌లోనే ఓటమి పాలైన శ్రీకాంత్‌ టోర్నీ నుంచి నిష్క్రమించాడు. వరుస విజయాలతో దూసుకెళ్తున్న తన్వీ శర్మపై అభిమానుల్లో అంచనాలు పెరుగుతున్నాయి.