భారత టెక్ రంగానికి మరో బిగ్ బూస్ట్

రిలయన్స్ ఇండస్ట్రీస్ లిమిటెడ్ మరియు మెటా సంస్థలు భారతదేశంలో ఏఐ ఆధారిత డిజిటల్ మౌలిక సదుపాయాల అభివృద్ధికి వ్యూహాత్మక భాగస్వామ్యాన్ని ప్రకటించాయి. ఈ ఒప్పందం కింద గుజరాత్‌లోని జామ్‌నగర్‌లో అత్యాధునిక ఏఐ డేటా సెంటర్‌ను సంయుక్తంగా ఏర్పాటు చేయనున్నాయి.

ఈ డేటా సెంటర్ 168 మెగావాట్ల సామర్థ్యంతో నిర్మించబడనుండగా, వచ్చే రెండేళ్లలో అభివృద్ధి పూర్తి చేయాలని లక్ష్యంగా పెట్టుకున్నాయి. మెటా అవసరాలకు అనుగుణంగా భారతదేశంలో నిర్మించబడుతున్న తొలి ప్రత్యేక డేటా సెంటర్‌గా ఇది నిలవనుంది.

ఒప్పందం ప్రకారం డేటా సెంటర్ నిర్మాణం, నిర్వహణ, విద్యుత్ సరఫరా, నెట్‌వర్క్ కనెక్టివిటీ, యుటిలిటీ సేవలు, నిర్వహణ కార్యకలాపాల బాధ్యతలను రిలయన్స్ చేపట్టనుంది. ఈ కేంద్రంలోని కంప్యూటింగ్ సామర్థ్యాన్ని మెటా దీర్ఘకాలిక లీజు ప్రాతిపదికన వినియోగించి తన గ్లోబల్ డిజిటల్ వేదికలు, ఏఐ అనువర్తనాలు, డేటా ప్రాసెసింగ్ అవసరాలను నిర్వహించనుంది.