జియోహోమ్ కస్టమర్లకు దీపావళి బొనాంజా

రిలయన్స్ జియో తన జియోహోమ్ కస్టమర్ల కోసం దీపావళి సందర్భంగా ప్రత్యేక ఆఫర్లను ప్రకటించింది. ఇప్పటికే కనెక్షన్ ఉపయోగిస్తున్న వారితో పాటు కొత్తగా జియోహోమ్ కనెక్షన్ తీసుకోవాలనుకునే వారికి కూడా అదనపు వ్యాలిడిటీని అందిస్తోంది. కంపెనీ ప్రకటించిన ఆఫర్ ప్రకారం.. జియోహోమ్ ఫైబర్ లేదా ఎయిర్‌ఫైబర్ కనెక్షన్ ఉన్న కస్టమర్లు 10 నెలల రీఛార్జ్ చేసుకుంటే అదనంగా మరో 5 నెలల సేవలను ఉచితంగా పొందవచ్చు. అంటే 10 నెలలకు మాత్రమే డబ్బులు చెల్లించి మొత్తం 15 నెలల పాటు ఇంటర్నెట్, వినోద సేవలను ఉపయోగించుకోవచ్చు. తరచూ వైఫై, టీవీ, ఓటీటీ సేవలను వినియోగించే కుటుంబాలకు ఈ ఆఫర్ ఉపయోగకరంగా ఉండనుంది.

ఈ ఆఫర్ పొందాలంటే ఇప్పటికే జియోహోమ్ కనెక్షన్ ఉపయోగిస్తున్న కస్టమర్లు నెలకు రూ.666 చొప్పున 10 నెలల ప్లాన్‌కు రీఛార్జ్ చేసుకోవాలి. ఇందుకోసం మొత్తం రూ.6,660 చెల్లించాల్సి ఉంటుంది. అలా రీఛార్జ్ చేసుకున్న వారికి జియో అదనంగా మరో 5 నెలల వ్యాలిడిటీని ఉచితంగా అందిస్తుంది. ఈ ఆఫర్‌ను పొందేందుకు కస్టమర్లు తమ జియోహోమ్ కనెక్షన్‌కు లింక్ అయిన రిజిస్టర్డ్ మొబైల్ నంబర్ నుంచి 82195 82195 నంబర్‌కు మిస్డ్ కాల్ ఇవ్వాలి. కాల్ ఆటోమేటిక్‌గా కట్ అయిన తర్వాత జియో నుంచి కన్ఫర్మేషన్ మెసేజ్ వస్తుంది. అందులో ఇచ్చిన సూచనలను పాటించి ఆఫర్‌ను క్లెయిమ్ చేసుకోవచ్చు.

కొత్తగా జియోహోమ్ కనెక్షన్ తీసుకోవాలనుకునే వారి కోసం కూడా జియో ప్రత్యేక ఆఫర్ ప్రకటించింది. రెండు నెలల ప్లాన్ ధర అయిన రూ.2,122 చెల్లిస్తే మొత్తం మూడు నెలల పాటు సేవలను పొందవచ్చు. ఈ ప్లాన్‌లో గరిష్ఠంగా 100 Mbps ఇంటర్నెట్ స్పీడ్ లభిస్తుంది. జియోహోమ్ ద్వారా ఇంటర్నెట్‌తో పాటు 1,000కు పైగా లైవ్ టీవీ ఛానళ్లు, పలు ఓటీటీ ప్లాట్‌ఫామ్స్‌ను ఉపయోగించుకోవచ్చు. దీంతో కుటుంబ సభ్యులు ఒకే కనెక్షన్ ద్వారా తమకు నచ్చిన సినిమాలు, వెబ్ సిరీస్‌లు, టీవీ కార్యక్రమాలను వీక్షించవచ్చు. పండుగ సీజన్‌లో కొత్త కస్టమర్లను ఆకర్షించడంతో పాటు ఇప్పటికే ఉన్న వినియోగదారులకు అదనపు ప్రయోజనం కల్పించడమే లక్ష్యంగా జియో ఈ ఆఫర్లను తీసుకొచ్చింది.