టాటా గ్రూప్‌లో కీలక నాయకత్వ మార్పు చోటుచేసుకుంది

టాటా గ్రూప్‌కు చెందిన ట్రెంట్‌ లిమిటెడ్‌లో కీలక నాయకత్వ మార్పు చోటుచేసుకోనుంది. సంస్థ చైర్మన్‌గా కొనసాగుతున్న నోయెల్‌ టాటా నవంబర్‌ 11న తన పదవి నుంచి తప్పుకోనున్నారు. దాదాపు మూడు దశాబ్దాల పాటు సంస్థ అభివృద్ధిలో కీలక పాత్ర పోషించిన ఆయన, ఇకపై చైర్మన్‌ ఎమెరిటస్‌గా కొనసాగనున్నారు.

నోయెల్‌ టాటా స్థానంలో బహ్రం వకీల్‌ నూతన చైర్మన్‌గా బాధ్యతలు చేపట్టనున్నారు. వెస్ట్‌సైడ్‌, జూడియో వంటి ప్రముఖ రిటైల్‌ బ్రాండ్లను నిర్వహిస్తున్న ట్రెంట్‌ లిమిటెడ్‌ ఇటీవల లాభాల్లో 25 శాతం వృద్ధిని నమోదు చేసింది. ఈ నేపథ్యంలో సంస్థలో చోటుచేసుకుంటున్న నాయకత్వ మార్పు ప్రాధాన్యం సంతరించుకుంది.