డిజిటల్ చెల్లింపుల్లో భారత్ దూకుడు..

దేశంలో డిజిటల్ చెల్లింపుల వినియోగం మరింత వేగంగా పెరుగుతోంది. నేషనల్ పేమెంట్స్ కార్పొరేషన్ ఆఫ్ ఇండియా (NPCI) గణాంకాల ప్రకారం.. ప్రస్తుత ఆర్థిక సంవత్సరం తొలి ఆరు నెలల్లో (ఏప్రిల్–సెప్టెంబర్ 2026) యూపీఐ ద్వారా సుమారు 14,500 కోట్ల లావాదేవీలు జరిగాయి. గతేడాది ఇదే కాలంలో నమోదైన 11,400 కోట్ల లావాదేవీలతో పోలిస్తే ఇది 27 శాతం వృద్ధి. లావాదేవీల విలువ కూడా 20 శాతం పెరిగి రూ.148 లక్షల కోట్ల నుంచి రూ.177 లక్షల కోట్లకు చేరింది. సెప్టెంబర్‌లో నెలవారీ లావాదేవీల సంఖ్య స్వల్పంగా తగ్గినప్పటికీ.. రోజువారీ సగటు మాత్రం పెరిగింది. సెప్టెంబర్‌లో 2,407 కోట్ల యూపీఐ లావాదేవీలు నమోదయ్యాయి. ఆగస్టులో 2,450 కోట్లతో పోలిస్తే ఇది 1.7 శాతం తక్కువ. అయితే రోజువారీ సగటు లావాదేవీలు ఆగస్టులో 79.1 కోట్ల నుంచి సెప్టెంబర్‌లో 80.2 కోట్లకు పెరిగాయి. ఆగస్టుతో పోలిస్తే సెప్టెంబర్‌లో ఒక రోజు తక్కువగా ఉండటం నెలవారీ తగ్గుదలకు ప్రధాన కారణాల్లో ఒకటిగా పేర్కొన్నారు.