

అమెరికాలోని అట్లాంటా హార్ట్స్ఫీల్డ్-జాక్సన్ అంతర్జాతీయ విమానాశ్రయంలో డెల్టా ఎయిర్లైన్స్ విమాన సర్వీసులకు తీవ్ర అంతరాయం ఏర్పడింది. సంస్థ ఉపయోగించే ఆటోమేటెడ్ వెయిట్ అండ్ బ్యాలెన్స్ సిస్టమ్లో సాంకేతిక లోపం తలెత్తడంతో విమానాల రాకపోకలపై ప్రభావం పడింది. ఈ సమస్య కారణంగా అట్లాంటాలో 681 విమానాలు, దేశవ్యాప్తంగా మరో 591 విమానాలు ఆలస్యమైనట్లు సమాచారం. థాంక్స్గివింగ్ సెలవుల సమయంలో ప్రయాణికుల రద్దీ అధికంగా ఉండటంతో ఈ అంతరాయం వల్ల వేలాది మంది ఇబ్బందులు ఎదుర్కొంటున్నారు.
సాంకేతిక సమస్యను పరిష్కరించే ప్రయత్నాలు కొనసాగుతుండటంతో ప్రస్తుతం మ్యాన్యువల్ విధానంలో విమాన కార్యకలాపాలను నిర్వహిస్తున్నట్లు డెల్టా ఎయిర్లైన్స్ వెల్లడించింది. సాధారణంగా ఆటోమేటెడ్ వ్యవస్థ ద్వారా జరిగే ప్రక్రియలను తాత్కాలికంగా సిబ్బంది మాన్యువల్గా నిర్వహిస్తున్నారు. దీంతో విమానాల షెడ్యూల్పై ప్రభావం కొనసాగుతోంది. ప్రయాణికులు తమ విమానాల తాజా స్థితిగతులను తెలుసుకునేందుకు ఎయిర్లైన్స్ను సంప్రదించాలని సూచించారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!