అనిల్ మేనన్ తొలి అంతరిక్ష యాత్ర ప్రారంభం

భారత సంతతికి చెందిన అమెరికా వ్యోమగామి అనిల్ మేనన్ మంగళవారం తన తొలి అంతరిక్ష యాత్రను ప్రారంభించారు. రష్యన్ వ్యోమగాములు సెర్గే డుబ్రోవ్, అన్నా కికినాతో కలిసి సోయజ్ ఎంఎస్-29 వ్యోమనౌకలో కజకిస్థాన్‌లోని బైకనూర్ కాస్మోడ్రోమ్ నుంచి అంతర్జాతీయ అంతరిక్ష కేంద్రానికి ప్రయాణం ప్రారంభించారు. ఈ బృందం ఐఎస్‌ఎస్‌లో సుమారు ఎనిమిది నెలల పాటు ఉండి పలు శాస్త్రీయ పరిశోధనలు నిర్వహించనుంది.

మేనన్‌కు వీడ్కోలు పలకడానికి ఆయన భార్య అన్నా విల్హెల్మ్, కుటుంబ సభ్యులు, నాసా అధిపతి జారెడ్ ఇజాక్‌మన్ హాజరయ్యారు. ఆయన సతీమణి కూడా వ్యోమగామే కావడం విశేషం; ఆమె ఇప్పటికే ఒకసారి అంతరిక్ష ప్రయాణం చేశారు. ఈ మిషన్‌లో మేనన్ అనేక పరిశోధనల్లో పాల్గొని అంతరిక్ష రంగంలో అంతర్జాతీయ సహకారాన్ని మరింత బలోపేతం చేయనున్నారు.