నాని ‘బ్లడీ రోమియో’లోకి ‘ధురంధర్’ నటుడు వివేక్ సిన్హా ఎంట్రీ ?

నేచురల్ స్టార్ నాని, దర్శకుడు సుజీత్ కలయికలో తెరకెక్కుతున్న ‘బ్లడీ రోమియో’ చిత్రంపై ఆసక్తి పెరుగుతోంది. ప్రస్తుతం ఢిల్లీలో ఈ సినిమా షూటింగ్ కొనసాగుతున్నట్లు సమాచారం. ‘ధురంధర్’ చిత్రంతో గుర్తింపు తెచ్చుకున్న నటుడు వివేక్ సిన్హా ఈ ప్రాజెక్టులో చేరినట్లు ఫిల్మ్ వర్గాల్లో ప్రచారం జరుగుతోంది. డార్క్ యాక్షన్ కామెడీగా రూపొందుతున్న ఈ సినిమాలో ఆయన కీలక పాత్ర పోషించనున్నట్లు తెలుస్తోంది. అయితే, వివేక్ సిన్హా పాత్రకు సంబంధించిన పూర్తి వివరాలను చిత్ర బృందం అధికారికంగా వెల్లడించాల్సి ఉంది.

మరోవైపు, నాని సరసన నటించనున్న హీరోయిన్ ఎవరనే విషయంపై అభిమానుల్లో ఆసక్తి నెలకొంది. దక్షిణాది, హిందీ చిత్ర పరిశ్రమలకు చెందిన పలువురు నటీమణుల పేర్లు సోషల్ మీడియాలో చర్చకు వస్తున్నప్పటికీ, చిత్ర బృందం ఇంకా అధికారిక ప్రకటన చేయలేదు. నిహారిక ఎంటర్‌టైన్‌మెంట్, యునానిమస్ ప్రొడక్షన్స్ సంయుక్తంగా ఈ చిత్రాన్ని నిర్మిస్తున్నాయి. సుజీత్ స్టైలిష్ దర్శకత్వం, నాని కొత్త మేకోవర్ ఈ సినిమాకు ప్రధాన ఆకర్షణలుగా నిలుస్తాయని అభిమానులు ఆశిస్తున్నారు. నటీనటులు, సినిమా చిత్రీకరణకు సంబంధించిన మరిన్ని వివరాలపై అధికారిక ప్రకటన కోసం ఎదురుచూపులు కొనసాగుతున్నాయి.