అనుష్క శర్మ ఒక్క ఆర్డర్‌తో మారిన రెస్టారెంట్‌ రాత

ముంబయిలోని చిన్న రెస్టారెంట్‌ ‘ఢిల్లీ సే’ ఒకప్పుడు రూ.18 లక్షల అప్పులతో మూసివేత అంచున నిలిచింది. 2022లో హాస్యనటుడు అభిషేక్‌ ఉపమన్యు ఈ రెస్టారెంట్‌ను సందర్శించి చోళే భటూరేను ప్రశంసించడంతో తొలిసారి గుర్తింపు వచ్చింది. అనంతరం అనుష్క శర్మ తన భర్త, క్రికెటర్‌ విరాట్‌ కోహ్లీ కోసం అక్కడి నుంచి చోళే భటూరే ఆర్డర్‌ చేశారు. ఆ వంటకాన్ని ప్రశంసిస్తూ ఆమె చేసిన ప్రచారంతో రెస్టారెంట్‌కు ఒక్కసారిగా భారీగా కస్టమర్లు పెరిగారు.

చెబూర్‌లో కేవలం 250 చదరపు అడుగుల విస్తీర్ణంలో మూడు టేబుళ్లు, తొమ్మిది సీట్లతో ప్రారంభమైన ‘ఢిల్లీ సే’ ప్రస్తుతం నాలుగు ఔట్‌లెట్లకు విస్తరించింది. చెబూర్‌, ములుండ్‌, అంధేరీ వెస్ట్‌, వాషి ప్రాంతాల్లో శాఖలు ఉన్నాయి. యజమానుల వివరాల ప్రకారం, గతంలో నెలకు సుమారు రూ.1–1.5 లక్షల విక్రయాలు ఉండగా, ప్రస్తుతం నెలకు దాదాపు రూ.2 కోట్ల విక్రయాలు జరుగుతున్నాయి. రోజుకు 3,000కుపైగా చోళే భటూరే ప్లేట్లు విక్రయిస్తున్నట్లు వారు తెలిపారు.